"Навбаҳор" Украина премьер-лигаси вакили билан дуранг ўйнади
13 фев 2020 11:43
Янгиликлар

"Навбаҳор" Украина премьер-лигаси вакили билан дуранг ўйнади

Ўз ўқув - машғулот йиғинини Туркияда олиб бораётган Наманганнинг “Навбаҳор” жамоаси мазкур йиғин доирасидаги тўртинчи назорат – синов баҳсини Украина Премьер-лигаси вакили – Ковалёвканинг “Колос” клубига қарши ўтказди.

Белек шаҳридаги “Суэна” стадионида бўлиб ўтган мазкур ўйинда ҳисоб очилмади – 0:0.

Ушбу баҳсда "Навбаҳор" бош мураббийи Андрей Канчельскис майдонга қуйидаги футболчиларни туширди: Ўткир Юсупов, Торнике Жимшелеишвили, Игорь Голбан, Хуршид Мухторов, Мирзоҳид Ғофуров, Амирбек Жўрабоев, Иван Соловьёв, Ислом Рашидхонов, Аббос Ғуломов, Азизбек Турғунбоев, Забиҳилло Ўринбоев.
Захирадан майдонга тушганлар: Миркомил Локаев, Ғиёсжон Комилов, Жавлон Иброҳимов, Ислом Исоқжонов, Абдулҳай Исмоилов, Руслан Болов.

Эслатиб ўтамиз, наманганликлар олдинги ўртоқлик баҳсларида Туркманистоннинг “Ахал” клубини 1:0, Сербиянинг “Рад” жамоасини 2:1 ҳисобида мағлубиятга учратиб, Қозоғистоннинг “Жетису” клуби билан 1:1 ҳисобидаги дурангга имзо чекишганди.

“Навбаҳор” Туркияда яна 2та назорат-синов ўйинлари ўтказади.