Dastlab “Qizilqum” jamoasi bosh murabbiyi Yuriy Lukin fikrlarini bildirib o'tdi: “Teng kurashlarga boy o'yin bo'ldi. Uchrashuv oxirlarida “Navbahor” jamoasiga oxirgi daqiqalarda omad kulib boqdi va g'alabani qo'lga kiritdi. O'z navbatida futbolchilarimiz ham yaratilgan imkoniyatlardan foydalana olishmadi. Jamoaga yangi murabbiyni kelganligi ham namanganliklarning foydasiga xizmat qildi deb o'ylayman. Shu sababdan ham futbolchilar so'nggi soniyalargacha kurashib, maqsadlariga yetishdi. Jamoamizda moliyaviy tomondan hech qanday muammo yo'q. OAVlarda shunday ma'lumot tarqatilgan bo'lsada, bunday demaganman. Bari noto'g'ri ma'lumot va bo'xtondan o'zga narsa emas. Endi chempionatning qolgan turlarida ishonchliroq o'yin ko'rsatib, ligadagi o'rnimizni saqlab qolishga harakat qilamiz”.
“Navbahor” jamoasi bosh murabbiyi Mustafo Bayramov uchrashuv xususida quyidagi fikrlarni bildirib o'tdi: “Bir necha uchrashuvlardan beri g'alaba qozona olmayotganligimiz sababli, bugun oldimizga uch ochkoni qo'lga kiritishni maqsad qilgandik. Qolaversa, jamoamizga murabbiy sifatida No'mon Hasanovni kelishi ham futbolchilarimizni ruhlantirdi. Guvohi bo'lganingizdek, tarkibda bir qator yo'qotishlar bor edi.. Shu sababli tarkibda qator o'zgarishlarni amalga oshirishga majbur bo'ldik. Uchrashuv davomida qiyin bo'lsada, yigitlar oxirigacha kurashib g'alabani qo'lga kiritishdi. Qolaversa, futbolchilari ikki taraflamali nazorat o'yinida jarohat olgan G'ayrat Jo'raevni tezroq sog'ayib safga qaytishi uchun harakat qilishlarini bildirishgandi. Ushbu g'alabani jamoamizning fidoiy ishqibozlari va aynan Jo'raevga bag'ishladik. Namoyish etilgan o'yin uchun futbolchilarimizga minnatdorchilik bildiraman”.
