UZ

Сўнгги янгиликлар

22:01УЕФА Исроилни четлатишга тайёр, аммо...  5 21:02Суперлига. Сергеевнинг ягона голи "Пахтакор"га "Сурхон" устидан қийин ғалабани келтирди  58 20:43Элит ОЧЛ. "Насаф" ўз майдонидаги жанговар ўйинда "Ал Ҳилол"га ютқазди  291 20:10Суперлига. "Динамо" ўз уйида "Шўртан"дан устун келди  12 19:50Моуринью ЕЧЛнинг янги формати ҳақида: "Ўзингиз рўбарў келмайдиган жамоаларга ўрнингизни бўшатиб бериш ғалати"  5 19:18Испания Суперкубоги учрашувлари санаси маълум  5 18:34ФИФА пенальти қоидаларини ўзгартиришни режалаштирмоқда  6 17:24Вольтемаде: "Бирор нарса қилиб, кейин "кечирасиз" дейиш футболнинг бир қисми эмас. Менга адолатли кураш ёқади"  4 16:56Суперлига. 24-турда ишловчи ҳакамлар маълум   0 16:40Мутолаа учун. Самарадорлик бўйича Фалькао ва Жирудан қолишмаган ҳужумчи фаолиятини якунлади  0 16:20Про лига. 16-тур баҳсларига ҳакамлар тайинланди  0 15:51Руни: "Бу "Манчестер Юнайтед" эмас. Мен бу футбол клубини танимаяпман"  5 15:25МДҲ Кубоги. Ўзбекистон U-15 Беларусга ютқазди  5 15:05Биласизми? "Насаф" ўз уйида шу пайтгача Саудия Арабистони клуби билан икки марта ўйнаган  2 14:43"Навбаҳор" футболчиси шартномани бир тарафлама бекор қилди. Клуб бир неча ойлик иш ҳақи бўйича қарздор  18

"Навбаҳор" нега кеча ёлғон маълумот тарқатди? Янгиликлар

"Навбаҳор" нега кеча ёлғон маълумот тарқатди?

Алексей Беленков ва "Наваҳор" ўртасидаги сериал давом этади.

Кеча "Навбаҳор" клуби расмий сайтида ФИФАдан ҳеч қандай хат келмагани ҳақида хабар чиқди. Бугун ПФЛ бош директори вазифасини бажарувчи Диёр Имомхўжаев "Навбаҳор" апрель ойида ҳам, 20 июль куни ҳам ФИФАдан хат келганини эълон қилди.

Championat.asia сайти "Навбаҳор"ни имкон қадар тезроқ огоҳлантириб ушбу чигал вазиятдан чиқиб кетиш учун муаммони чоп этганидан кейин бир кун давомида "Навбаҳор" ФК сайтимизга қарши раддия ёзиш билан овора бўлди. ФИФА белгилаган 30 кун муҳлатнинг бир куни бекорга ўтиб кетди. ФИФАдан келган хат фотошоп қилинган деган фикрлар ҳам янгради ҳатто. Биз ҳеч бир клубга қарши эмасмиз, ўзбек футболи ривожи бизнинг сайтимиз ривожига таъсир қилади. Буни ҳеч қачон унутмаслик керак. Championat.asia нинг мақсади "Навбаҳор"ни огоҳлантириш эди, аксар одамлар буни нотўғри тушунди. 16 июль куни "Навбаҳор" клуби "Сурхон" билан ўйин Тошкентга кўчирилганини расман тасдиқланмай туриб эълон қилгани учун ПФЛдан узр сўраган эди. Кечаги "асоссиз хабар" учун клуб ҳеч кимдан узр сўрамаса ҳам майли, Беленков ишини тезкор ҳал қилишса бўлгани.

СИЛА вакиллари 2019 йил декабрь ва 2020 йил январь ойида "Навбаҳор" клуби спорт директори Абдумалик Умирзоқов билан боғланиб Беленков борасида музокара олиб боришганини маълум қилишди. Мураббийнинг юристлари “Навбаҳор”га 150 минг АҚШ доллари тўлашни ва барча масала ёпилишини маълум қилишган, аммо клуб бунга эътибор қилмаганидан кейингина Алексей Беленков ФИФАга мурожаат қилишга мажбур бўлган экан.

Хўш, Беленков нима учун шартномани бекор қилишни сўраган? Сабаби клуб мураббийнинг 4 ойлик маошини беришни кечиктирган. ФИФА қоидаларига кўра агар клуб футболчи ёки мураббийнинг 2 ойдан кўпроқ маошини беришни кечиктирса шартномани бекор қилиш борасида мурожаат қилиш мумкин. Беленков мана шу банддан фойдаланган.

Кеча 21 июль куни СИЛА компанияси расмий сайтида ҳам бу борада расмий хабар чиқди.  


Яна бир масала, нима учун ФИФА юборган хат дарҳол "Навбаҳор" клуби почтасига етиб бормаган бўлиши мумкин? Ҳар бир клубда TMS менеждери бўлиши шарт ва у ЎФА TMS менежери орқали маълумотларни махсус тизимга киритишга масъул ҳисобланади.

FIFA Transfer Matching System 2009 йил ФИФА Конгресси томонидан маъқулланган ва 2010 йил 1 октябрдан мажбурий этиб белгиланган.

Тизимни ишга туширишдан мақсад клублар ва футбол ассоциациялари ўртасидаги бошқарувни шаффофлиги, самарадорлигини ошириш бўлган.

Клуб футболчи сотганда ҳам, сотиб олганда ҳам трансферлар деталларини кўрсатиши шарт. Трансфер тасдиқланиши учун барча деталлар келишиб олинган бўлиши шарт. Агар халқаро трансфер бўлса халқаро сертификат бўлиши лозим.

Ўзбекистонда барча клублар TMS тизимини ЎФА ёрдамида тўлдиришади. Балки клубларимиз профессионал даражага ўтиб махсус ўқитилган TMS менежерларига эга бўлишни ўйлаб кўришса бўлармиди. Шунда ФИФА томонидан юборилган ҳар қандай хат тўғридан-тўғри клубга келиб тушаверади.

Рейтинг: +41   

Фикрлар

championat.asia
< сўнгги янгиликларни кўриш
Яндекс.Метрика