"Навбаҳор": Лясюк келди, 3 футболчи билан музокара олиб борилмоқда

У билан биргаликда Юрий Рижко ҳам "лочинлар"нинг Чирчиқдаги қароргоҳига етиб келди. Мураббийлар штаби Лясюкнинг шу кунга қадар ўтказган айрим ўйинларини кузатишганди. Эндиликда уларда футболчини амалда кўриш имконияти пайдо бўлди. Агарда легионер ҳужумчи ҳаракатлари мураббийларга манзур бўлса, иккинч даврани Андрей "Навбаҳор"да ўтказиши мумкин бўлади.

Бу билан жамоа таркибида рўй бериши мумкин бўлган ўзгаришлар тўхтаб қолмайди. Айни пайтда клуб раҳбарияти ҳимоячи Бобур Акбаров ("Бунёдкор"), ярим ҳимоячи Алишер Саматов ("Бухоро") ҳамда яна Дилшод Жабборов ("Локомотив")лар билан музокаралар олиб бормоқда. Ушбу масала шу кунлар ичида хал этилади.