"Навбаҳор": Гарвиш кетди, Чой тиббий кўрикдан ўта олмади
04 мар 2016 10:19
Янгиликлар
![](https://championat.asia/upload/storage/200453_original.jpg)
![](/upload/storage/200453_220.jpg)
"Навбаҳор": Гарвиш кетди, Чой тиббий кўрикдан ўта олмади
2 мартдан яна машғулотларга киришган футболчиларимиз қайта таъмирлашдан кейин фойдаланишга топширилган клуб қароргоҳда истиқомат қилишмоқда. Футболчиларимиз кунига бир маҳалдан шуғулланишмоқда. Жамоага таклиф этилган украиналик Гавриш мураббийларга манзур бўлмаганлиги сабабли жавоб берилганди. Жанубий кореялик Чой эса тиббий кўрикдан ўта олмади. Футболчи иккинчи бор тиббий кўрикдан ўтади, агар барчаси яхши бўлса у жамоада қолади.
Ушбу футболчиларнинг ўрнини тўлдириш мақсадида жамоага Украинадан ярим ҳимоячи Владислав Павленко таклиф этилди. Ушбу футболчи 3 март куни юртимизга етиб келди. Бугун дастлабки машғулотда қатнашади. Клубимиз расмийлари кеча ПФЛдан рўйхатдан ўтиш ишларини якунлашди. Рўйхатга Павленко ҳам киритилди. Футболчи тиббий кўрикдан муваффақиятли ўтиб, мураббийларда ижобий таасурот қолдирса "Навбаҳор"да қолади.
Шунингдек, яқиндагина сафга қўшилган Александр Корнийчук ҳам жамоамиз сафида рўйхатдан ўтказилди. Дастлабки тиббий кўрикдан ўта олмаган Санжар Асқаралиевга ҳам майдонга тушишга рухсат берилди.
Мухлисларимизга яна бир янгиликни айтиб ўтмоқчимиз. Жамоамиз аъзолари жорий йилги мавсумда Jako фирмаси либосларидан фойдаланишади. Бугун жамоамиз аъзолари киядиган либослар тайёр бўлди.
Бу йилги мавсумда футбочиларимиз кўк ва сариқ ранги футболкаларда ҳаракат қилишади.
"Навбаҳор" клуби матбуот хизмати
Ўхшаш янгиликлар
![AMP Logo](https://championat.asia/image/logo-amp.png)
Фикрлар