"Насаф"ни 2 нафар асосий футболчиси тарк этди
11 дек 2019 16:41
Янгиликлар

"Насаф"ни 2 нафар асосий футболчиси тарк этди

Суперлига-2019 мавсумида қаршиликлар таркибида ҳаракат қилган ярим ҳимоячи Сардор Абдураимов ҳамда ҳужумчи Ҳумоюн Муртазоев жамоадан кетди.

Ўтган мавсумда «Насаф»да 1 йиллик ижара муддати асосида тўп тепган футболчиларнинг трансфер ҳуқуқи янги мавсумдан эътиборан Суперлигага қайтган «Машъал»га тегишли. Шу боис муборакликлар Абдураимов ва Муртазоевни ортга қайтарди.

Бу икки футболчи «Машъал» академияси тарбияланувчилари ҳисобланади. Агарда «Насаф» бу икки футболчини келаси мавсум ҳам ўз сафида кўришни истаса, унда футболчиларнинг трансфер ҳуқуқини сотиб олишига тўғри келади. «Машъал» эса Суперлигада мазкур футболчилар хизматидан фойдаланмоқчи.