“Насаф” тўрт йилдан буён “Бунёдкор”ни мағлуб эта олмаяпти
05 май 2018 01:33
Янгиликлар

“Насаф” тўрт йилдан буён “Бунёдкор”ни мағлуб эта олмаяпти

Суперлиганинг 10-турида мамлакат вице-чемпиони “Насаф” сафарда “Бунёдкор”га (1:2) имкониятни бой берди.

Жорий мавсумда кетма-кет иккинчи марта мағлубият аламини татиб кўраётган қаршиликларнинг қалдирғочларга қарши ўзаро ўйинларда ғалабасиз серияси еттита ўйинга етди.

“Насаф” сўнгги марта “Бунёдкор”ни 2014 йилнинг иккинчи даврасида айнан Тошкентда 2:1 (Шомуродов ва Геворкян голларга муаллифлиқ қилишган) ҳисобида мағлуб этганди. Орадан салкам тўрт йил ўтса ҳамки (2015, 2016, 2017, 2018 1-давра) “аждарлар” тошкентликлар устидан зафар қозона олишмаяпти.