"Насаф” “Шўртан”га қарши тайёргарликни давом эттирмоқда

Айни пайтда жамоамизнинг бир қатор аъзолари жамоа билан бирга эмас. Жумладан Элдорбек Суюнов Миллий терма жамоа сафида Филиппинга йўл олган бўлса, иқтидорли ярим ҳимоячимиз Одилбек Ҳамробеков Ўзбекистон олимпия терма жамоаси билан Словакияда ўтаётган турнирда иштирок этмоқда.  Уч нафар футболчимиз (Бобур Абдуҳолиқов, Шароф Муҳиддинов ва Азиз Ғаниев) Ўзбекистон ёшлар терма жамоаси таркибида Хитойга жўнаб кетган. Туркманистон миллий терма жамоаси сафида ЖЧ-2018 саралаш ўйинида иштирок этган жамоамиз сардори Артур Геворкян кеча жамоа қароргоҳига етиб келди ва у бугундан машғулотларга киришади. Қувонарли, томони жароҳати боис иккинчи давра баҳсларига майдон туша олмаган етакчи марказий ҳимоячимиз Ҳамза Каримов ҳозирда машғулотларда астойдил тер тўкмоқда.

Эслатиб ўтамиз, “Насаф” – “Шўртан” учрашуви 12 сентябрь куни соат 19:30 да Қарши “Марказий” стадионида бошланади.