Нальчикнинг «Спартак» клуби банкрот деб эълон қилинди

Клуб расман банкрот деб эълон қилинди ва яқин вақт ичида Россия биринчи дивизионидан чиқиб кетади. Бундан ташқари «Спартак» профессионал клуб деган мақомдан тушади.

«Биз «Спартак»даги вазиятни ўрганиб чиқдик, у ердаги аҳвол жуда оғир экан. Клубнинг футболчилар олдида бир неча миллионлик қарзлари бор.

Клуб бундай вазиятда профессионал мақомида фаолият олиб бора олмайди.

«Спартак» Россия биринчи дивизиондан чиқиб кетади», – дейди ўлканинг спорт ва туризм вазири Аслан Афаунов.

Клуб бош директори Виктор Шекемовнинг сўзларига кўра футболчиларнинг барчасига эркин агент мақоми берилади. Энди клуб ҳаваскорлар лигасида ўйнайди.

Эслатиб ўтамиз, «Спартак» Туркияда Қаршининг «Насаф» клуби билан назорат учрашувини ўтказишни режалаштирганди. Ушбу хабардан келиб чиқиб ўйин бўлмаслиги аниқ.