МЮ Антони ва Санчо билан боғлиқ муаммолар туфайли янги вингер сотиб олиши мумкин

"Манчестер Юнайтед" Жейдон Санчо ва Антони билан боғлиқ муаммолар туфайли янги вингер харид қилиши мумкин. Бу ҳақда "Daily Mail" хабар бермоқда.

Санчо бош мураббий Эрик тен Ҳаг билан зиддиятга эга. Хабар қилинишича, у бошқа "Манчестер Юнайтед"да ўйнамаслиги мумкин. Антони оиладаги зўравонлик айбловлари туфайли жамоадан четлатилди.

Манкунианларнинг қизиқиш доирасига Анвар Эль-Гази кирди. 28 ёшли вингер ўтган мавсум ПСВ сафида 31 та ўйин ўтказиб, 9 та гол урди ва 2 та голли узатмани амалга оширди.

Ҳозирда нидерландиялик футболчи эркин агент сифатида қолмоқда. Футболчи АПЛда ўйнаш тажрибасига эга, чунки "Эвертон" ва "Астон Вилла"да тўп тепишга улгурган.