Мурод Отажонов: "Ҳакамлар борасидаги саволларни ҳакамлар қўмитасига бераверинг"

- Қийин ўйин бўлди. Кўплаб ғалабаларга эришганимиздан кейин мана неча ўйиндирки, юта олмаяпмиз. Бугун ҳам бироз омад етишмади. Йигитлар охиригача курашишди. Икки жамоа учун ҳам ўйин оғир ўтди, чунки икки томонга ҳам ғалаба керак эди. Дуранг натижа учун ҳам шукур дейман. 

- "Навбаҳор" билан ўйиндан кейин футболчиларингиз билан қай тариқа гаплашиб олдингиз ва бугунги ўйин олдидан қандай кўрсатмалар бердингиз?

- Рухий томондан жуда қийин. Чунки ўртада бир неча ўйин юта олмаганимиздан кейин йигитлар ҳам ўзларига ишонмай қўйган. Ҳозир эса барча футболчилар бирлашиб, яхши ўйин кўрсата олади, деб ўйлайман. Худо хоҳласа, қадам ва қадам олдинга ҳаракатланамиз ва ғалабаларга эришамиз.

- Пенальти борасида нима дейсиз?

- Ҳакам бор, уларни назорат қиладиган қўмита ҳам ишлаяпти. Пенальти масаласини ҳакамларнинг ўзига топширамиз. Биз эса ўзимиз ҳақида ўйлашимиз керак. Ўйин давомида кўплаб хатоларга йўл қўйяпмиз. Биз эса футболчиларга кўрсатмалар бера оламиз. Ҳакамларга эса хеч ким хатоларни тўғрилашини айтиб тура олмайди. Шу сабабли барча саволларни уларнинг қўмитасига берсангиз бўлади.

- Бош мураббий сифатида Бекободдаги бир очкодан қониқдингизми?

- Шундай десак ҳам бўлади. Бугун икки очко йўқотдик, деб бемалол айта оламан.