Мурод Исмоилов: "Сўғдиёна"нинг ҳозирги ҳолати ўзига ярашмайди"
25 апр 2015 20:42
Янгиликлар

Мурод Исмоилов: "Сўғдиёна"нинг ҳозирги ҳолати ўзига ярашмайди"

"Нефтчи" - "Сўғдиёна" ўртасидаги ўйиндан сўнг ташкил этилган матбуот анжуманида майдон эгалари устози Мурод Исмоилов иштирок этди.

"Биринчи навбатда икки-уч йилдан буён "Сўғдиёна"га қарши ўйинларда ғалаба қозона олмаётганди. Бугунги ғалаба билан барчани табриклайман. "Сўғдиёна"нинг ҳозирги ҳолати ўзига ярашмайди. Уларнинг мураббийини иқтидорли деб биламан. Муаммолар туфайли жамоанинг аксар футболчилари бошқа клубларга ўтиб кетишди. Шу боис Даврон Файзиев янги жамоа тузмоқда. Иккитадан кўп гол урдик, демак бу оддий ғалаба бўлмади", - дейди Исмоилов.

- "Нефтчи"ни "Бунёдкор"га қарши ўйин кутиб турибди...
- Ҳар бир ўйинга иложи борича 100 фоиз тайёргарлик кўришга ҳаракат қиламиз. Стадионга келган барча мухлисларга ёқадиган ўйин кўрсатишга уринамиз. Мақсадимиз шу, ҳар бир ўйинда охиригача курашиш. Натижа эса яратгандан. "Бунёдкор"дан олдин кубокда "Оқ-тепа"га қарши ўйинимиз бор. Бу учрашувга ҳам эътибор юқори. Агар йигитлар бугунгидек кўрсатмаларни тўғри бажаришса ғалаба билан қайтамиз.

Ҳавола :

Манба : championat.asia

Янгиликларни Телеграмда ўқинг!

Рейтинг: