Муҳаммад Одилов: “Эртага ғалаба учун майдонга тушамиз”

Учрашувдан олдин зоминликлар футболчиси Муҳаммад Одилов фикрларига қулоқ тутдик. 

- “Янгиер” билан ўйинларда жамоамизга омад етишмаяпти деб ўйлайман. Ҳар икки баҳсда ҳам шу жиҳат сабаб мағлуб бўлдик. Ҳозирда эса йўқотадиган ҳеч нарсамиз қолмаган. Бу сафар ғалаба учун майдонга тушамиз.

Про-лигада кам гол ураётганимга сабаб 1-даврада жароҳатим бор эди. Натижада кўп вақтимни майдон ташқарисида ўтказишимга тўғри келди. Шунга қарамай, голлар уришга интилмоқдаман. Ҳозирча голларим сони 5 тага етди. Ўтган мавсум мен соф ҳужумчи сифатида ўйнардим. Бу йил эса асосан ўнг қанот ярим ҳимоя чизиғида ўйнамоқдаман. Шундай бўлсада, голлар уриб, жамоага ёрдам беришни интилмоқдаман.  Мавсум якунига қадар голларим сонини янада кўпайтирмоқчиман. 

Биз Про лигада жон сақлаб қолиш имкониятимиз бор. Бунинг учун олдинда турган беллашувларда ғалаба қозонишимиз керак. Ҳар бир футболчи ўз ишига профессионал ёндошса, ижобий натижалар қайд эта оламиз", - деб сўзини якунлади Одилов.