Миржалол Қосимов: "Ўзбекистон кубогида ҳам олдимизга олий мақсад қўйганмиз"
05 апр 2023 13:26
Янгиликлар

Миржалол Қосимов: "Ўзбекистон кубогида ҳам олдимизга олий мақсад қўйганмиз"

Теглар : Ўзбекистон Кубоги "Ғиждувон"Миржалол Қосимов ОКМК

ОКМК бош мураббийи Миржалол Қосимов Ўзбекистон кубоги гуруҳ босқичидан ўрин олган "Ғиждувон"га қарши (5:0) учрашувдан сўнг фикрларини билдирди.

"Ўйин ҳақида нима дейиш мумкин? Ўзбекистон кубоги бошқа мусобақа. "Ғиждувон" билан биринчи бўлимда осон бўлгани йўқ. Ўйин амалиёти камроқ бўлган футболчиларга имкон бердик. Ўйлайманки, ёмон ҳаракат қилишгани йўқ. Боз устига ажойиб мажмуада, қулай об-ҳавода футболчилар ҳам завқланиб тўп тепишди",- дейди Миржалол Қосимов.

- Учрашув бошида ОКМК футболчилари рақибни менсимагандек кўринди...
- Ундай демаган бўлардим. Қандай рақиб бўлишидан қатъий назар ҳурмат қилиш керак. Лекин биринчи бўлимда ҳаракат қилишди. Қолаверса, "Ғиждувон" футболчилари ҳам футбол ўйнашни билади.

- Жамоа олдига Ўзбекистон кубогида мақсад қўйилганми?
- Биз доим олдимизга олий мақсад қўямиз. Аввало мухлислар учун, уларга ёқадиган ўйин кўрсатишни истаймиз. Ҳар бир учрашувда ғалаба учун майдонга чиқамиз.