Миржалол Қосимов: "Металлург" иккинчи бўлимда яхши қаршилик кўрсатди"

"Дерби доим қизғин, кескин курашларга бой ва томошабоп ўтади. Бугунги ўйин ҳам бундан мустасно бўлмади. Гарчи таркибдаги йўқотишларга қарамасдан учрашувни ёмон ўтказмадик. Биринчи бўлим жамоамиз устунлигида ўтди ва қатор вазиятлар яратдик. Касьян икки бор яратилган имкониятдан фойдаланиб, устунлигимизни ҳисобда акс эттирди. Иккинчи таймда эса ҳисобдан келиб чиқиб, кучни тўғри тақсимлаган ҳолда ҳаракатландик. 

Рақиб ҳам иккинчи бўлимда яхши қаршилик кўрсатди. Ўйлашимча, ҳақли тарзда муҳим ғалабага эришдик. Бугунги ўйинда жамоамизни қўллаб-қувватлаш учун келган мухлисларга катта раҳмат! Уларни хурсанд этганимиздан бахтиёрмиз.

Энди икки кундан сўнг бизни қолдирилган ўйин доирасида «Қизилқум»га қарши баҳс кутмоқда. Жамоани тезроқ мазкур ўйинга тайёрлаш устида ишлаймиз", - деди Миржалол Қосимов.