Миржалол Қосимов "Жароҳатларнинг кўплиги – чемпионатдаги рақобатнинг кучлилигига исбот"
01 ноя 2023 21:17
Янгиликлар

Миржалол Қосимов "Жароҳатларнинг кўплиги – чемпионатдаги рақобатнинг кучлилигига исбот"

ОКМК ҳамда "Турон" ўртасидаги Суперлиганинг 24-тур ўйинидан (2:1) сўнг мезбонлар устози Миржалол Қосимов бугунги баҳс ҳақида фикр билдирди.

- Яхши ўйин бўлди. Бугун икки жамоа ҳам ғалаба учун курашди. Муҳими ғалаба қозондик ва керакли уч очкони қўлга киритдик. "Турон" бугун яхши ўйин намойиш этди.

- Олдинда "Сепахон"га қарши меҳмондаги ўйин кутиб турибди. Жароҳатланган футболчилар сафардаги учрашувга боришадими?

- Жароҳатидан фориғ бўлмаган футболчилар даволаниши керак. Жамоага ёрдам бера оладиган футболчилар сафарга йўл олишади. Ҳозирги кунда ёшларни ҳам таркибга жалб этяпмиз. Жароҳатларнинг кўплиги – чемпионатдаги рақобатнинг кучлилигига исбот. Ушбу муаммолардан тўғри хулоса чиқарамиз.

- Ўзбекистон кубоги финалига чиққани сабаб ОКМК кейинги мавсум Осиё чемпионлар лигасига чиқиш имкониятини сақлаб турибди. Финалга қандай тайёргарлик кўриляпти?

- Олдиндан бир нима демайман. Эртага нима бўлишини ҳеч ким билмайди. Кейинги учрашувимиз "Сепахон"га қарши ва Эрондаги учрашувни яхши ўтказиб олишимиз керак.

Ҳавола :

Манба : championat.asia

Янгиликларни Телеграмда ўқинг!

Рейтинг: +3