"Милан" Пеллегри билан келишувга эришди
21 авг 2021 11:24
Янгиликлар

"Милан" Пеллегри билан келишувга эришди

"Монако" ҳужумчиси Пьетро Пеллегри Италия чемпионатига қайтади.

Журналист Фабрицио Романонинг хабарига кўра, "Милан" 20 ёшли италиялик футболчи билан шахсий шартнома бўйича келишувга эришди.

Энди клублар ижара борасида келишишлари керак. "Милан" ижара учун 1 миллион евро тўлайди, шунингдек клубда ўйинчини харид қилиш учун 6 миллион евро бўлади. Бундан ташқари, "Монако" форварднинг кейинги сотувидан фоиз олади.

Пеллегрининг амалдаги шартномаси 2022 йилнинг ёзига қадар мўлжалланган. Ўйинчи "Монако"га 2018 йилда "Женоа"дан ўтган эди. У ўшандан бери 23та ўйинда майдонга тушиб, 2та гол ва 1та ассист қайд этди.

Ҳавола :

Манба : twitter.com/FabrizioRomano

Янгиликларни Телеграмда ўқинг!

Рейтинг: +2