«Милан» мухлислари Доннаруммага: «Тур йўқол, ахлатнинг бўлаги!»
14 дек 2017 08:44
Янгиликлар

«Милан» мухлислари Доннаруммага: «Тур йўқол, ахлатнинг бўлаги!»

«Милан» мухлислари Италия Кубоги 1/8 финалида «Верона»га қарши ўйиндан олдин ва ўйин пайтида Жанлуижи Доннаруммага аталган баннерни кўтаришди.

Машғулотлар вақтида мухлислар дарвозабонга қараб шундай ҳайқиришди: «Йўқол, ахлатнинг бўлаги!»

Хафа бўлган посбонни ҳимоячи Леонардо Бонуччи қўллаб қувватлади. Бу вазият Rai 1 телеканалининг трансляциясида ҳам кўринди.

Бундан ташқари учрашув пайтида «Милан» фан-секторида шундай баннер кўтарилди: «Маънавий ерга уриш – бу йилига 6 миллион евро маош ва умуман фойдасиз бўлган ака билан шартнома тузишми? Сабримиз тугади, йўқол!»

Эслатиб ўтамиз, «Милан» ўтган ёзда Доннарумманинг маошини кўтарган ва унинг акаси Антонио билан шартнома тузганди. Шу орқали клуб посбонни ўз сафида олиб қолганди.

Олдинроқ унинг агенти Мино Райола «Милан»дан Доннарумманинг ўша шартномасини маънавий ерга уриш туфайли бекор қилишларини сўрамоқда.

Клуб 18 ёшли посбонни 70 миллион евродан камига сотмоқчи эмас.