“Металлург” ёшлари биринчи даврани ғалаба билан якунлашди

Қизиқарли ва муросасиз руҳда кечган ўйинда меҳмонлар 4:3 ҳисобида ғалаба қозонишди.

Ўйин майдон эгаларининг тезкор ҳужумлари билан бошланди ва улар 2-дақиқадаёқ Бобир Эргашевнинг аниқ зарбаси эвазига ҳисобни очиб олишди. Тезда майдон марказини қўлга олган бекободликлар орадан йигирма дақиқа ўтгач, Муҳаммаджон Султоновнинг ажойиб зарбаси эвазига ҳисобни тенглаштиришди. Биринчи тайм тугагунча меҳмонлар яна икки марта муваффақият қозонишди. Даставвал тажрибали Дилмурод Каримов маъданчиларни ҳисобда олдинга олиб чиққан бўлса, биринчи таймнинг сўнгги сониялари ўтиб бораётганда Зуҳрилло Бобоев фарқни икки тўпга оширди. 69-дақиқада Зокир Аҳмаджонов томонидан киритилган голдан кейин ҳисоб йирик кўриниш олганди – 4:1. Бироқ айнан шу хотиржамлик бекободликларга қимматга тушди. Сўнгги 20 дақиқа мобайнида майдон эгалари ҳисобни минимал даражада қисқартириб олишгач, сўнгги сониялар бироз асабий тарзда кечди. Шундай бўлса-да, “Металлург” ғалабали ҳисобни сақлаб қолишга эришди – 4:3.

«Локомотив» (Тошкент) – «Металлург» (Бекобод) – 3:4 (1:3). ТТЙМИ стадиони.
Ҳакам: А. Шукуруллаев (Тошкент)
Назоратчи: С. Нажафалиев (Тошкент).
Голлар: Б.Эргашев (2, 72), В.Юнусов (76) – М.Султонов (22), Д.Каримов (30), З.Бобоев (45), З.Аҳмаджонов (69).

"Локомотив": 96. Р. Нортожиев, 7. Б. Тиллабоев, 8. У. Сафаров, 10. Б. Абдуллаев, 18. Р. Ҳамроев, 21. А. Шералиев, 22. У. Абдуллаев, 31. О. Муҳаммедов, 41. Л. Адамов, 70. Б. Эргашев, 77. Д. Эргашев
Захира: 1. В. Вагин, 17. Ш. Мўминқулов, 28. Е. Танаев, 68. В. Юнусов, 87. Ю. Шоимов, 97. Ш. Собиров

“Металлург”: Тимурбек Тўйчиев, Асомиддин Абдураҳмонов, Камронбей Копадзе, Дилмурод Каримов, Улуғбек Худоёров, Мансуржон Нуралиев, Муҳаммаджон Султонов, Умид Раҳимов, Аброрбек Тошқўзиев, Худойшукур Сатторов, Зуҳрилло Бобоев.
Заҳира: Акобир Қаюмов, Зокиржон Аҳмаджонов, Муҳаммадодил Қаҳрамонов, Фарҳод Намозов, Арам Маркарян, Висол Магеррамов.