“Металлург”: Назорат учрашувида “Обод” мағлубиятга учратилди

Учрашувнинг биринчи тайми тенг курашлар остида ўтиб, унда 1:1 ҳисоби қайд этилди. Аюбхон Нўъмонов киритган голга тошкентликлардан Алишер Азизов жавоб қайтарди. Иккинчи таймда таркибда бир қатор ўзгаришларни амалга оширган металлургчилар ташаббусни ўз қўлларига олишди ва “Обод” жамоаси дарвозасини тўрт марта ишғол этишди. Бу таймда Фаррух Шотурсунов хет-трикни расмийлаштирган бўлса, яна битта гол Дониёр Одилов ҳисобига ёзилди.

“Металлург” – “Обод” – 5:1. Чирчиқ. 3 сентябрь. Назорат учрашуви.
Ҳакам: Ахрол Рисқуллаев.
Голлар: Аюбхон Нўъмонов, Фаррух Шотурсунов (3 та), Дониёр Одилов – Алишер Азизов.

“Металлург”: Суҳробжон Султонов, Мирғиёс Сулаймонов, Ҳикмат Ҳошимов, Ислом Қобилов, Шерзод Жалилов, Аюбхон Нўмъонов, Жаҳонгир Абдумўминов, Дилмурод Каримов, Муроджон Тошматов, Эргаш Исмоилов, Жавоҳир Эсонқулов.
Захирадан майдонга тушганлар: Зафар Сафоев, Даврон Каримқулов, Дониёр Одилов, Муҳаммадодил Қаҳрамонов, Саиджон Абдужабборов, Фаррух Шотурсунов.