"Металлург": Жисмоний тайёргарлик кўриги бошланди
25 дек 2017 12:49
Янгиликлар
![](https://championat.asia/upload/storage/296034_original.jpg)
![](/upload/storage/296034_220.jpg)
"Металлург": Жисмоний тайёргарлик кўриги бошланди
Бугун Тошкент вилояти Чирчиқ шаҳридаги “Кимёгар” стадионида янги мавсумга ҳозирлик кўраётган Бекободнинг "Металлург" жамоаси футболчилари жисмоний тайёргарлик бўйича синовлардан ўтишмоқда.
Тест синовларини профессор Шамил Исеев етакчилигидаги Ўзбекистон Футбол Федерациясининг Техник ривожлантириш бошқармаси илмий-методик гуруҳи мутахассислари олиб боришаяпти. Футболчилар 30 метрга югуриш, турган жойидан узунликка сакраш, 7х50 метрга югуриш ҳамда “yo-yo” тести бўйича назоратдан ўтишяпти.
“Металлург” ПФК режага биноан 30 декабрга қадар Тошкент вилоятида ўқув машғулот йиғинини давом эттиришади. Ўша куни пойтахтда Ўзбекистон U-23 терма жамоасига қарши назорат учрашуви ўтказилиши ҳам режалаштирилган.
Йиғинда ўтган мавсум клуб шарафини ҳимоя этган футболчиларнинг деярли барчаси машғулотларни давом эттиришмоқда. Шунингдек, 2017 йилги мавсумнинг иккинчи ярмини “Қўқон 1912” жамоасида ижара асосида ўтказган Дониёр Ҳасанов, “Динамо”га қарши учрашувда жиддий жароҳатланиб, даволанишни Москвада ўтказиб қайтган Жавоҳир Эсонқуловлар ҳам қатнашаётганлигини айтиб ўтиш лозим. Улардан ташқари ёшлар таркибида жалб этилган бир қатор истеъдодли ўйинчилар ҳамда янги келган футболчилар ҳам бор.
Ўхшаш янгиликлар
![AMP Logo](https://championat.asia/image/logo-amp.png)
Фикрлар