Мексикада Европа лигаси совринини ўғирлаб кетишди

Маълумотларга кўра, 15 килограмли кубок 18 апрель куни, Европа лигаси ҳамкор компанияси уюштирган кўргазма тадбирига олиб кетилаётган пайтда ўғирланди. Маҳаллий ҳуқуқ-тартибот органлари икки кундан сўнг совринни топишга муваффақ бўлишди ва уни ташкилотчиларга қайтаришди. Ҳозирча кубок қаердан топилгани ва кимлар ҳибсга олингани маълум эмас.

Соврин оригинал ёки кўчирма эканлиги ҳам аниқ эмас. 2009/10 мавсумда кучга кирган қоидаларга кўра, соврин бир умр УЕФАда сақланади, ғолибларга эса кўчирма топширилади.

Жорий мавсум Европа лигаси финал баҳси 16 май куни "Стад де Льюмер" стадионида бўлиб ўтади.