Мбаппе "Реал"да қайси позицияда ўйнамоқчи эканлигини айтди

Бугун тантанали очилиш маросимидан кейинги илк интервьюсида журналистларнинг саволларига жавоб берар экан, мураббий Карло Анчелотти истаган жойда ўйнашни маъқул кўришини айтди.

"Мураббий қайси позицияга жойлаштиришни хоҳласа, ўша ерда ҳаракат қиламан. Мен учта позицияда ўйнай оламан. Буни "Монако", ПСЖ ва Франция терма жамоаларида уддалаганман. Журналистлар учун қизиқдир лекин буни муҳокама қилмоқчи эмасман. Мен шунчаки майдонда бўлишни хоҳлайман. Қайси позицияда эканлигининг аҳамияти йўқ. Мен истаган нарса "Реал Мадрид"га ёрдам бериш", деди Мбаппе.

Эслатиб ўтамиз, Килиан Мбаппе "Қироллик клуби" сафига эркин агент сифатида қўшилди. Янги клубида у 9-рақамли либосда майдонга тушади.