Май. Нестеров рақобатчиси Элдор Суюновни учликка ҳам киритмади

"Локомотив" вакиллари бизга ўз овозларини тақдим этишди. Албатта, энг юқорида Санжар Шоаҳмедов бор. Голларнинг энг чиройлилари ҳам улар учун Сардорларга тегишли: Рашидов ҳамда Мирзаев.
Бироқ кейинги ўринларда қизиқ манзаралар бор. Нестеров энг яхшиларга "Бунёдкор"нинг икки футболчисини жойлади. Кейин эса Миржалол Қосимовга етакчиликни бериб юборди. Яъни, устози Андрей Фёдоровни кўр-кўрона белгилаб қўймади.

Ҳаммаси майлику-я, посбон Шота Арвеладзени ҳам, термадаги рақобатчиси Элдор Суюновни ҳам учталикка киритмади. Ойнинг энг яхшиларини аниқлаш тобора қизиқарли кўриниш оляпти.

P.S. Қизиғи, "Локомотив" сардори Садриддин Абдуллаев ҳисобланади, вице-сардори эса Ислом Тўхтахўжаев. Нега Игнатий Нестеров овоз бергани ғалати. Ундан ҳам қизиғи, Нестеров ўз дарвозасига Арслонмурот Амонов ва Муҳаммад Исаевлар томонидан киритилган чиройли голларни эътироф этмаган.