Маурицио Сарри: “Ювентус” ҳамиша фаворит бўлган, лекин “Наполи” охиригача курашади”
04 мар 2018 09:16
Янгиликлар

Маурицио Сарри: “Ювентус” ҳамиша фаворит бўлган, лекин “Наполи” охиригача курашади”

“Наполи” клуби бош мураббийи Маурицио Сарри “Рома”дан қабул қилиб олинган мағлубиятдан сўнг ўз фикрлари билан ўртоқлашди.

Кеча оқшом неаполликлар Италия А Сериясининг 27-турини ўз майдонларида ўтказишларига қарамай, “Рома”га 2:4 ҳисобида имкониятни бой бериб қўйишганди.

“Биз ўз хатоларимиз эвазига мағлуб бўлдик. Ваҳоланки, чемпионлик учун курашда “Ювентус”ни қийин аҳволга солиб қўйиш учун имкониятларимиз етарлича эди. Лекин туринликлар ҳамиша фаворит бўлиб келишган. Ҳар қандай ҳолатда ҳам чемпионлик учун сўнгги сонияларгача курашамиз”, — деди Сарри.

Айни пайтда А Серияда “Наполи” бир очколик фарқ билан пешқадамлик қиляпти. Лекин иккинчи ўриндаги “Ювентус” ҳисобида “Аталанта”га қарши ўтказилмай қолган ўйин бор.