Матиас Роса: "Бразилиядан Америка кубоги финалидаги мағлубият аламини олишга ҳаракат қиламиз"
04 окт 12:04
Янгиликлар

Матиас Роса: "Бразилиядан Америка кубоги финалидаги мағлубият аламини олишга ҳаракат қиламиз"

Футзал бўйича жаҳон чемпионати ярим финалидан ўрин олган Францияга қарши ўйиндан сўнг (3:2) Аргентина терма жамоаси аъзоси Матиас Роса Алемани сайтимизга интервью берди.

"Францияга қарши жуда қийин ўйин ўтказдик. Рақиб жамоа ажойиб ўйин кўрсатди, улар жисмонан яхши тайёргарликка эга экан. Қолаверса, уларда юқори савиядаги ўйинчилар бисёр. Бу эса бизни ҳимояга кўпроқ эътибор қаратишга мажбур қилди. Муҳими, ғалаба қозонишни уддаладик.

Финалда Бразилия билан тўқнаш келамиз. Бразилия дунёнинг энг кучли жамоаларидан бири эканлигига шубҳа йўқ. Биз улар билан яқинда Америка кубоги финалида тўқнаш келгандик. Ўшандаги мағлубият учун ренванш олишга ҳаракат қиламиз. Финалда максимал кучимизни ишга соламиз", деди Роса.