"Машъал" яна 4 нафар футболчи трансферини эълон қилди
03 мар 12:56
Янгиликлар

"Машъал" яна 4 нафар футболчи трансферини эълон қилди

Муборак клуби матбуот хизмати навбатдаги трансферлар ҳақида маълумот берди.

Унга кўра, "Машъал" 26 ёшли ҳимоячи Зафар Акрамов билан 1 йиллик, ярим ҳимоячи Иброҳим Нўмонов билан 2 йиллик, ярим ҳимоячи Дилшод Раҳматуллаев билан 1 йиллик, ярим ҳимоячи Нодирхон Ҳабибуллаев билан 3 йиллик келишув тузгани аниқ бўлди.

Акрамов фаолиятининг асосий қисмини айнан "Машъал"да ўтказган, бир муддат "Қўқон-1912"да ўйнаган. Нўмонов ҳам муборакликлар таркибида узоқ вақт ҳаракат қилган, шунингдек, "Қўқон-1912", "Нефтчи" ва ОКМК шарафини ҳимоя қилишга улгурган. Тажрибали Раҳматуллаев "Локомотив", "Насаф", "Пахтакор", "Динамо", "Металлург", "Қўқон-1912" ва "Андижон", бундан ташқари, "Шанлиурфаспор" (Туркия) жамоалари либосида майдонга тушган. 21 ёшли Ҳабибуллаев эса "Пахтакор" академиясида тарбияланиб, бир неча ёш тоифаларида ўйнаган.

Ҳавола :

Манба : "Машъал" матбуот хизмати

Янгиликларни Телеграмда ўқинг!

Рейтинг: -2