"Машъал" академияси ёпилди

Бизгача етиб келган маълумотларга қараганда, кеча Муборак шаҳридаги "Машъал" футбол академияси вақтинча ёпилган. Академияда таҳсил олаётган ёш футболчилар ва мураббийларга уйларига жавоб бериб юборилди ва академия номаълум муддатга ёпиб қўйилди. Бунинг сабаби "Машъал" ҳисоб рақамида пул йўқлиги билан изоҳланяпти. 

Сир эмас "Машъал" футбол академияси бир қатор футболчиларни тарбиялаш орқали ном қозонган. Бугунги кунда "Ростов" сафида ўзининг ажойиб ўйинларини намойиш этаётган Элдор Шомуродов ҳамда ўтган мавсум "Ал Шаржа" билан БАА чемпионлигини қўлга киритган Отабек Шукуров ушбу академия тарбияланувчилари ҳисобланади. Албатта, шундай таълим масканининг ўз фаолиятини тўхтатиб қўйиши жуда ачинарли ҳолат.