"Нефтчи" – "Андижон": 8 гол урилган тарихдаги энг сермаҳсул дербини ёдга оламиз

Бугунги кунда улкан мақсадларни кўзлаган бу икки жамоанинг майдонда учрашиши барчанинг нигоҳини ўзига жалб қилади. Тарихдан мисол, "Нефтчи" - "Андижон" қарама-қаршиликларида голлар шоуси, жанговар дуранглар кўп кузатилган. Лекин 1994 йилги водий дербиси шу пайтгача кечган ўйинлар орасида энг сермаҳсули ҳисобланади. Биз ёдга оладиган беллашувда мухлислар бир эмас, икки эмас нақд 8 та гол гувоҳига айланишган. Атоян дубл, Равшан Бозоров хет-трик қайд этган бўлса, Сергей Завальнюк, Дмитрий Ивангородский биттадан тўп киритган. "Андижон"дан Ориф Маматказин ягона голга муаллифлик қилган.

"Бургутлар" у вақтда чемпионатда "Наврўз" номи остида иштирок этган. "Нефтчи" ўзининг гегемонлик даврларини бошидан ўтказаётган паллалар. 

"Нефтчи" - "Андижон" 7:1

11.07.1994. 15-тур

Голлар: Степан Атоян (дубл), Равшан Бозоров (хет-трик), Сергей Завальнюк, Дмитрий Ивангородски — Ориф Маматказин

1994 йилда Суперлигада (Олий Лига) 16 та жамоа иштирок этган. "Нефтчи" мавсумни 51 очко билан чемпион сифатида якунлаган, "Андижон" эса 25 очко тўплаган ҳолда 11-ўринни эгаллаган. Фарғоналиклар ҳужумчиси Равшан Бозоров 26 та гол билан тўпурарлар пойгасида биринчи ўринни эгаллаган.

"Нефтчи" — 1994: Акмал Абдурасулов, Владимир Андреев, Сергей Андреев, Степан Атоян, Илдар Ахтямов, Равшан Базаров, Игорь Волков, Абдусамад Дўрмонов, Рустам Дўрмонов, Сергей Завальнюк, Дмитрий Ивангородский, Владислав Иванов, Неъматулла Қутибоев, Сергей Лебедев, Алексей Мануйленко, Андрей Микляев, Эдуард Мамотов, Сергей Ни, Нариман Османов, Александр Писарев, Александр Саюн, Александр Тихонов, Андрей Фёдоров, Владислав Филиппов, Валентин Чухнов

"Андижон" ("Наврўз") —  1994: Рустам Абдиев, Даврон Бабаев, Илгиз Галиев, Игорь Голованов, Анвар Жабборов, Сергей Зубенко, Ёқубжон Иминов, Фарҳод Қодиров, Баҳодир Каримов, Отабек Қиличев, Виталий Легай, Исмоилжон Маликов, Ориф Маматказин, Дилшод Маматқулов, Музаффар Раҳимбердиев, Баҳодир Раҳмонов, Рустам Собиров, Карен Сафаров, Владислав Франк, Фазлиддин Шоимқулов, Бахтиёр Йўлдошев.

Маълумот учун, бугунги ўйин соат 19:00 да Фарғонадаги "Истиқлол" стадионида старт олади.