Марадона энди "Аланга"да ўйнайди

Айни пайтда бу жамоа ҳам иккинчи босқич учун тайёргарликни бошлаб юборган. Бош мураббий Дилшод Андаев бугун қўл остидаги футболчиларни икки таркибга ажратган холда, ўзаро ўйин ўтказишга қарор қилди.

Бош мураббийнинг championat.asia га хабар беришича, таркибда бир қатор ўзгаришлар бор. Яъни, биринчи босқичда "Аланга" шарафини ҳимоя қилган Ойбек Полвонов билан Дурбек Камолов "Машъал"га ўтиб кетди. Азиз Жўраев эса "Хоразм"дан тушган таклифни қабул қилган. Рустам Жўраев, Тимур Жуманқулов ва Шаҳбоз Аҳмедов эса эндиликда иккинчи лига жамоасида ўйнайдиган бўлди. Ундан ташқари Фаёз Азимқуловни ҳам "Насаф" ёшлар жамоасига ўтганини айтиб ўтиш керак.

Жамоа сафига келиб қўшилган футболчилар эса Фахриддин Холмуродов ("Нефтчи"), Элдор Эргашев, Сирожиддин Раҳматуллаев ("Машъал"), Марадона Сафаров, Шамсиддин Саъдуллаев, Шохруҳ Достонов ("Янгиер")лардир. Эндиликда бу футболчиларнинг "Аланга"да тўп суриши аниқ бўлиб улгурди.

Асосий таркиб ўзаги деярли аниқ бўлиб улгурди. Шу боис жамоа яқин кунларда ПФЛга ўз футболчиларининг рўйхатини топширади.

Исломбек Рустамбеков