Амирҳуссайн Ҳуссайнзода: "Ҳакамлар Ўзбекистон фойдасига қарор қабул қилмоқда"

"Ўзбекистонга қарши ўйнаш ҳамиша қийин бўлган. Бу сафар биз улар билан ўз юртида ва мухлислари қўллаб-қувватлаши остида учрашмоқдамиз, шунинг учун олдимизда янада мушкулроқ вазифа турганини шубҳасиз ҳис қилмоқдамиз.

Ўтган ўйинда ўзбекистонликларнинг рақиби таркибидаги футболчи кутилмаганда қизил карточка олганига гувоҳ бўлдик. ФИФА назорати сустроқ бўлган бундай мусобақаларда баъзан Ўзбекистон фойдасига қарорлар қабул қилиниши кузатилади.

Инфантинонинг иштироки Осиё футболи ва ушбу турнир учун ижобий ҳолат ҳисобланади. Унинг иштирокида ғалабага эришишимизга умид қиламан. Албатта, айрим ҳолатлар бизнинг назоратимиздан ташқарида, бироқ ҳакамларнинг хатолари натижага таъсир кўрсатмаслиги учун ўйинларга минимал хавф билан ёндашишга ҳаракат қиламиз", – деди 24 ёшли футболчи.

Эслатиб ўтамиз, CAFA турнири финали Тошкентдаги "Олимпия" стадионида ўтказилади. Баҳс 19:30 га белгиланган.