"Манчестер Юнайтед" Роналду бўйича Осиё клубидан расмий таклиф олди

The Athletic хабарига кўра, 37 ёшли ҳужумчи Манчестер клубини ушбу ёзда тарк этиши даргумон.

Манбалар хабарларига кўра, Роналдунинг сешанба куни "Манчестер Юнайтед"нинг очиқ машғулотида тўлақонли иштирок унинг клуб билан алоқаларини тиклаётганига ёрқин мисол бўла олади.

Роналдунинг потенциал харидорлари доираси тор – "Манчестер Юнайтед" фақатгина Саудия Арабистонининг номи ошкор этилмаган клубидан расмий таклиф олди.

"Юнайтед" Роналду сотилмаслигини маълум қилди, бироқ клубда бошқача фикр ҳукмронлик қилаётгани хабар қилинди. Эндиликда Эрик тен Хаг катта эҳтимол билан мавсумолди тайёргарликнинг асосий қисмини ўтказиб юборган португалиялик форвардни ўз услубига мослаштиришига тўғри келади.

Роналдуни сотишни истамасликнинг яна бир сабаби — клубдаги бошқа ҳужумчиларнинг кучига ишонч йўқлиги билан изоҳланади. "Манчестер Юнайтед" Антони Марсяль бутун мавсум давомида барқарор ўйнай олишига шубҳа қилмоқда.