Лёв мундиалга олиб кетмаган Сане журналистларга "ўрта бармоғи"ни кўрсатган

Нашрнинг ёзишича, Лерой Санени якуний рўйхатга киритилмаганига Юлиан Брандт билан ўзаро рақобатда ютқазгани ва футболчининг хулқи сабаб бўлган.

Йоахим Лёв азалдан тартиб-интизомни биринчи ўринга қўйиб келади. Германия терма жамоаси жамоавий ўйинга таянган ҳолда футбол ўйнайди. Лёв футболчиларнинг индивидуаль ҳаракатларидан кўра жамоавий ўйин услубига кўпроқ мос тушадиган футболчиларга ишонч билдиради. Сане эса немис машинасининг ўйин услубига тўлиқ киришиб кетмагани ҳам ўз таъсирини ўтказган.

Шунингдек, Лерой Саненинг машғулотларда тўлиқ куч билан шуғулланмагани Лёвга маъқул келмаган.

2017 йили ёзда Россияда бўлган Конфедерациялар кубогига бурнини операция қилишини рўкач қилиб бормагани ҳам Лёвни ғазаблантирган. Умуман Лерой Санени ўзини тутиши ва хулқи мураббийга ёқмаган.

Ўтган йили Англияга қарши ўртоқлик учрашувидан кейин Лерой Сане ҳеч кимга бир сўз айтмасдан  кийииниш хонасига йўл олган. Журналистлар Санедан ўйин ҳақида бир оғиз фикр билдиришни сўраб мурожаат қилишганида, футболчи уларга қарата ўрта бармоғини кўрсатганини ёзмоқда "Bild".

Шунингдек, Тимо Вернер ва Лерой Сане ўртасида можаро келиб чиққани ҳақида хабарлар пайдо бўлди. Аммо можаро ҳақида "Bild" нашри ҳеч нарса ёзмаган.