Луис Хименес: "Ўйинда вақтни чўзиш ва қўполлик менга хос эмас"
09 апр 2015 10:18
Янгиликлар

Луис Хименес: "Ўйинда вақтни чўзиш ва қўполлик менга хос эмас"

ОЧЛнинг 4-туридан ўрин олган "Насаф" - "Ал Аҳли" (0:1) жамоалари ўртасидаги учрашувидан сўнг меҳмонларнинг асли чилилик ва айни вақтда Фаластин фуқaролигига эга футболчиси Луис Хименес ўйин ҳақида фикрларини билдириб ўтди.

"Жуда қийин ўйин ўтказдик. Ҳар икки жамоа учун ҳам ғалаба жуда муҳим эди. Олдинда бизни сафарда Саудиянинг "Ал Аҳли"сига қарши оғир ўйин кутиб турибди. Шу ўйиндан сўнг гуруҳдаги вазиятга аниқлик киритилса керак. "D" гуруҳида барча кучли жамоалар йиғилган. Ҳамма жамоанинг мақсади кейинги босқичга чиқиш шу боис сўнгги турларни яхши ўтказишимиз керак" , - дейди Луис Хименес.

- Ўйин сўнггидаги ҳолатлар борасида қандай фикрдасиз ? Вақтни чўзиш, ўйинни тўхтаб қолиши...

Мен ҳеч қачон футбол ўйини вақтида ҳар хил арзимас сабаблар билан майдонда ётмайман. Вақтни чўзиш менга хос одат эмас. Ўйин сўнггида захирага чиқдим ва кийиниш хонасига бордим. Айнан қандай сабаб билан тўхтаб қолганини фақатгина жамоадошларим айтгани боис билдим. Ҳакам ҳам шу боис етарлича вақт ажратди деб ўйлайман. Жамоадошларимизни айтишига майдонга жароҳатловчи буюмлар тушган. Футболда вақтни чўзиш ва қўполликларга қаршиман. Мен кўпдан буён шу клубда фаолият олиб бормоқдаман ва бундай вазиятларга ҳамиша қарши бўлганман.

Ҳавола :

Манба : championat.asia

Янгиликларни Телеграмда ўқинг!

Рейтинг: