UZ

Сўнгги янгиликлар

02:42Ҳусайн Норчаев: "Вазият қизил карточкага тортмас эди"  2 02:16Рўзиқул Бердиев: "Дарвозабонимиз олдинга чиқиши хато бўлди, лекин чиққанга яраша тўғри ўйнаши керак эди"  15 01:52Туркия. Алиқулов 90+2 дақиқада жароҳат туфайли алмаштирилди, унинг жамоаси ғалабага эришди  1 01:40Элит ОЧЛ. "Ал Аҳли" суперкамбэк эвазига ўз майдонида "Насаф"ни мағлуб этди  402 00:57"Реал" футболчилари ҳакамлар уларга бошқа етакчиларга нисбатан қаттиққўлроқ муносабатда бўлишаяти, деб ҳисоблашмоқда  1 00:05Куанишбай Оразимбетов: "Иккинчи таймда умуман бошқа "Жайхун"ни кўрдик"  0 23:40ОФК ЭЧЛ. "Ал Иттиҳод" БААда мағлубиятга учради  0 22:22Шавкат Юсупов: "Шу темпда давом этишга ҳаракат қиламиз"  1 21:02ОФК ЭЧЛ. Турнир янги мавсумининг илк баҳсида 7та гол урилди  1 19:59Мессининг карточкаси рекорд даражадаги суммага сотилди  7 19:34Руни: "Тен Ҳаг Аморимга алмаштирилганидан бери МЮнинг аҳволи фақат ёмонлашди"  11 19:06"Қайрат" "Реал"га қарши ўйин чипталари қачондан сотувга чиқишини маълум қилди  9 18:40"Футбол олами". "Пахтакор" - "Нефтчи" 2:1, "Насаф" ва "Сўғдиёна"да йирик ғалабалар  1 18:35"Насаф"га қарши ўйин олдидан "Ал Аҳли"да йўқотиш  5 18:16"Насаф" бугун ёлғиз эмас  20

"Локомотив" таништирув маросимини ўтказди (иккинчи қисм) Янгиликлар

"Локомотив" таништирув маросимини ўтказди (иккинчи қисм)

Бугун "Локомотив" мажлислар залида янги футболчиларни таништирув маросими бўлиб ўтди. Тадбирнинг иккинчи қисмида жамоага янги келиб қўшилган футболчилар билан савол-жавоб ташкил қилинди.

Муҳаммаданас Ҳасанов: - "Қўқон-1912" ҳамда Бахтиёр Ашурматовга раҳмат айтаман. Ушбу клуб мени яхши футболчи қилиб тарбиялади ва рақобатбардош савияга олиб чиқди. Энди эса "Локомотив" билан яхши ўйинлар кўрсатиб, юқори ўринлар учун курашишни истайман. Клуб раҳбарлари, мураббийлар билан бу борада гаплашганмиз. Биринчи турда мағлуб бўлгандирмиз, аммо олдинда яна 25 ўйин бор. Бунда қаттиқ ҳаракат қилиб, ғалабалар орқали барчани хурсанд қилишни истаймиз.

- Бахтиёр Ашурматов интервьюда Муҳаммаданас Ҳасановнинг кетганини кейин билганмиз деганди. Аслида вазият қандай бўлган?
- Ҳа, "Қўқон-1912" билан хайрлашмай кетганман. Регламент бўйича шартнома якунланишига 6 ой қолганида футболчи бошқа клуб билан музокаралар олиб бориши мумкин. Регламент бўйича ҳаққим бор эди ва ўзимни бошқа жамоада синаб кўришни истадим.

Шу ўринда Бахтиёр Ашурматовга "Қўқон-1912"даги фаолиятим учун раҳмат айтаман. У инсондан кўп нарсаларни ўргандим.

Алишер Салимов: - "Локомотив" Ўзбекистон чемпионатида ўз ўрнига эга клублардан бири. Жамоа билан ушбу мавсум яхши натижага эришиб, келаси мавсум ОЧЛда қатнашишни истайман.

- Умуман олганда "Локомотив"да таркибнинг ёшариши қанчалик даражада муваффақиятли кечиши мумкин?
- Ёш футболчилар ўйин амалиётига ва тажрибага эга. Улар ҳам майдонда қўлдан келганча ҳаракат қилиб, борини бериб ўйнашади. Бошида қийналишимиз мумкин, кейинчалик бир жамоа бўлиб шаклланиб олгандан кейин барчага бошоғриқ бўламиз.

Маъруф Жумаев: - "Локомотив" Ўзбекистоннинг топ-клубларидан бири ҳисобланади. Мамлакатимиздаги кўплаб футболчилар бу жамоада ўйнашни истайди. Бироқ бу жуда қийин. Бундай шарафга эга бўлаётганимдан хурсандман.

Жамоага келадиган бўлсак, ушбу мавсумда юқори натижалар ва кўпроқ ғалабалар қайд этмоқчимиз. Бор кучим билан ўйнашга тайёрман.

- Про-лигадан Суперлигага ўтдингиз. Ўртадаги савия қандай?
- Савия жуда катта. Шу сабабли мен ҳам бор кучим билан ҳаракатланиб, даражамни оширишга интиламан.

Жамоага мослашиш яхши кечмоқда. Футболчилар жуда яхши, улар билан тезда чиқиб кетишдим.

Рустам Нартаджиев: - "Локомотив"да 2014 йилдан буён борман. Шу ернинг тарбияланувчиси ҳисобланаман. Бу ерга қайтиш имконияти бўлганида бундан фойдаландим ва тезда розилик бердим. Тўлабек Акрамов айтганидек, "Локомотив" ўз олдига доим юқори вазифаларни қўяди. Шу сабабли юқори ўринларни олишга ҳаракат қиламиз.

- Сиз кўп бора бошқа жамоага ижарага берилгансиз. Футболчи сифатида бошқа жамоага ижарага кетишдаги ҳиссиёт қандай бўлади?
- Мен ўзимни ҳеч қачон "Локомотив"га керак эмас деб ҳисобламаганман. Шунчаки бошқа жамоага бориб, кўпроқ ўйин амалиётига эга бўлиш орқали юқори даражага чиқишни истаганман. Ўшанда "Локомотив"да Игнатий Нестеров, Маъмур Икромов каби тажрибали дарвозабонлар бўларди. Улар пайтида менда имконият паст бўлишини тушунардим. 

Мураббийлар билан доимий мулоқотда бўлганман ва улар менга шундай таклифларни бериб туришган. Аммо шу пайтгача ўзимни "Локо" учун кераксиз деб ҳисобламаганман.

Жером Этаме: - Ўтган мавсумда Суперлигани кузатдим ва ўшандаёқ "Локомотив"да ўйнашни истагандим. Мана ниятимга етишдим. Ушбу мавсумда ғалабалар кўпроқ бўлишига ва яхши ўйинлар намойиш этишга ваъда бераман.

- Тўлабек Акрамов Сиз келишингиздан олдин бизга қараб: "Жамоага Тэмми Абраҳам келяпти?", деганди.
- Мен Неймар каби бўлишни истайман. У менга қўнғироқ қилди ва сен менга кераксан деди. Мен эса иложи йўқлигини, "Локомотив"га ўтганимни айтдим (кулади). Доимо ўз олдингизга юқори мақсад қўйишингиз керак.

- Жамоага мослашиш қандай кечди?
- Бу ердаги тизим "Ливерпуль", "Манчестер Сити", "Барселона" каби. Бу ерда ҳам фақатгина ҳужумга ўтиш керак. Бу эса менга ёқмоқда. Ушбу мавсумда гол уриш борасида бирор ваъда бера олмайман. Бироқ қўлдан келганча кўпроқ гол уришга ҳаракат қиламан.



Рейтинг:    

Фикрлар

championat.asia
< сўнгги янгиликларни кўриш
Яндекс.Метрика