“Локомотив” “Қизилқум”га қарши баҳсга ҳозирликни бошлади

Кеча клуб қароргоҳида йиғилган футболчилар кечки пайт “Локомотив” стадионида машғулот ўтказишди. Машғулот аввалида Андрей Микляев ҳамда Мирко Йеличич футболчиларга бугун қандай машқлар бажарилиши хусусида қисқа маълумот беришди. Сўнг енгил югуриб олингач, футболчилар Йеличич бошчилигида чигалёзди машқлари ўтказишди. Дарвозабонлар эса Пётр Гизимчук раҳбарлигида ўз машқларини бошлашди. Сўнгра тактик машқларга ўтилди.

Машғулот жараёни анча кўтаринки руҳда ўтди. Қуйида ундан олинган “қайноқ” фотосуратларни томоша қилишингиз мумкин.