“Локомотив” Ўзбекистон футзал терма жамоасига омад тилайди

Ўзбекистон футзал терма жамоаси Осиё чемпионатида муваффақиятли иштирок этиб, миллионлаб ўзбекистонлик мухлислар қувончига сабаб бўлди. Футзалчиларимиз ўз олдиларига қўйилган вазифани ортиғи билан уддалаб, якунда финалга қадар етиб келишди. Бугунги беллашувда қандай натижа қайд этилишидан қатъий назар Ўзбекистон терма жамоаси аъзолари олқишлашга арзигулик ишни амалга ошира олишди, бунинг учун улар хурматга сазоворлар.

Биз клубимизнинг барча аъзолари номидан Ўзбекистон футзал терма жамоасини жаҳон чемпионати йўлланмаси билан самимий муборакбод этамиз! Унда меҳнат қилган барча-барчага келгуси ишларида омад ёр бўлишини тилаб қоламиз!