UZ

Сўнгги янгиликлар

13:58"Бу Эрон терма жамоасида "олтин авлод"нинг охирги даври бўлиши мумкин" — эронлик журналист  0 13:32Эрон ҳамда Ўзбекистон ўртасидаги финални ким бошқариб боради?  4 13:12Ямаль Туркияда паспортини йўқотди  5 12:56Осиёнинг 2007 йилдаги энг яхши мураббийи Рауф Инилеев 75 ёшда!  3 12:35ФИФА офсайднинг янги қоидасини тасдиқлади  17 12:06Моуринью "Фенербахче"дан ишдан бўшатилишининг асл сабаби маълум  0 11:39Ўзбекистон U-16 терма жамоаси Миллий футбол марказида йиғин бошлади: олдинда Черногория ва Венгрия билан ўйинлар бор  7 11:00"Милан" футболчиси фаолиятини Саудия Арабистонида давом эттиради  0 10:31Холанд автобусдан тушаётганда жароҳат олди  5 10:05Уругвай терма жамоаси аъзоси "Неом"га ўтмоқда  1 09:37Гвардиола "Ман Сити"дан қайси футболчининг кетганидан афсусда эканлигини айтди  1 09:12Лига "Локомотив" стадионидаги қурилиш ишлари билан танишди  0 08:41Эржан Токотаев: “Ўзимни анча яхши ҳис қиляпман”  2 08:08Бугун финал!  12 07:40ФИФА президенти юртимизга етиб келди  17

“Локомотив” – “Бунёдкор”. ВИДЕО превью Янгиликлар

“Локомотив” – “Бунёдкор”. ВИДЕО превью

7 март, жума куни “Жар” стадионида Ўзбекистоннинг амалдаги чемпиони ва кубоги соҳиби “Бунёдкор” ва вице-чемпион “Локомотив” иштирокида Ўзбекистон суперкубоги бўлиб ўтади.
Аввало, Ўзбекистон суперкубоги ҳақида қисқача маълумот бериб ўтмоқчимиз. Ривожланган мамлакатларда футбол мавсумини мамлакат чемпиони ва кубоги соҳиби ўртасидаги суперкубок баҳси очиб беради. Бизда бу ҳол бунгача атиги бир маротаба 1998 йилда кузатилган. Ўшанда мамлакат чемпиони “Пахтакор” ва кубок соҳиби “Навбаҳор” жамоалари Фарғона шаҳрида куч синашишган ва якунда наманганликлар 4:2 ҳисобида зафар қучишган эди. Демак, бу сафарги Ўзбекистон суперкубоги иккинчи бор жорий этилмоқда.

Суперкубок учун баҳс “Локомотив” ва “Бунёдкор” жамоаларининг ўзаро ҳисобдаги 15-учрашуви сифатида қайд этилади. Бунгача ўтказилган 14та ўйиннинг 8тасида “қалдирғочлар”, 2тасида “темирйўлчилар” ғалаба қозонишган. Қолган 4та ўйинда эса кучлар тенг келган. Тўплар фарқи – 27:13, “Бунёдкор” фойдасига.
Ўзаро ўйинлар тўпурари Сервер Жепаров ва Олександр Пишур ҳисобланади. Бу икки футболчи “Локомотив” дарвозасини тўрт маротабадан аниқ нишонга олишган.

Суперкубок учрашувига бош ҳакам этиб тайинланган Равшан Эрматов “Локомотив” ва “Бунёдкор” қарама-қаршилигидаги ўз кўрсаткичини янада яхшилаб олиш имкониятига эга. У бунгача ўзаро ўйинларда тўрт марта реферилик қилган.

“Қалдирғочлар” ва “темирйўлчилар”нинг ўзаро ўйинларига – ЖАР, МҲСК, Тошкент темир йўллари муҳандислари институти ва “Локомотив” стадионлари мезбонлик қилган.

7 март куни бўлиб ўтадиган “Локомотив” ва “Бунёдкор” учрашувининг яна бир қизиқ томони “темирйўлчилар” устози Вадим Абрамов билан боғлиқ. У клуб бош мураббийи сифатидаги сўнгги расмий учрашувини айнан “Бунёдкор”га қарши 2010 йилнинг 9 апрель санасида ўтказган эди. Эътиборлиси, узоқ танаффусдан сўнг яна “Локомотив”га бош мураббий бўлиб қайтган Вадим Карленовичнинг клубдаги бу сафарги учрашуви “Бунёдкор”га қарши баҳсга тўғри келмоқда.

Ўйлаймизки, 2014 йилги Ўзбекистон суперкубоги учрашуви мухлису мутахассисларда катта қизиқиш уйғотади ва бунга жавобан жамоалар чиройли футбол намойиш этиб беришади.
 
TAS-IX ҳудудида
 


TAS-IX ҳудудида

Рейтинг:    

Фикрлар

championat.asia
< сўнгги янгиликларни кўриш
Яндекс.Метрика