UZ

Сўнгги янгиликлар

19:33Кварацхелия "Наполи"дан кетмоқчи эмас  1 19:11"Арсенал" Йозуа Киммихга қизиқмоқда  4 18:55Суперлига. "Динамо" – "Металлург" 0:1 (матнли трансляция)  4 18:15ПРО лига. Тошкентда ўтган "Бухоро" - "Хоразм" учрашувида дуранг қайд этилди  14 17:43Винченцо Итальяно мавсум охирида клубдан кетади  0 17:25Альфонсо Дэвис "Бавария" билан янги шартнома имзоламайди  0 17:01"Бунёдкор" янги бош мураббий номини эълон қилди  13 16:20"Евро-2024"да ҳеч ким Англия билан тенглаша олмайди"  9 15:57"Қизилқум" "Локомотив" билан ўйин учун қайдномасини эълон қилди  0 15:26Суперлига. 4-тур учрашувларини ўтказиб юборадиган футболчилар  4 15:10Маркус Рэшфорд Евро-2024га бора олмаслиги мумкин  1 14:38Парехо Винисиус ҳақида: "Ажойиб спортчи, аммо ўйинчилар ўзини футболга бағишлаши керак. Мени пиёниста дейишарди, лекин бунга эътибор бермаганман ва жавоб қайтармаганман – бундай одамлардан юқорироқ бўлиш зарур"  3 13:47Суперлига. 9та клуб дастлабки 3та турда фақат бир хил формадан фойдаланди. Бунга сабаб нима?  5 13:44"Манчестер Юнайтед" "Реал" футболчисини сотиб олмоқчи  1 13:23Хавининг дисквалификацияси бўйича апелляция рад этилди   1

“Локомотив” бугун “Бухоро”ни қабул қилади Янгиликлар

“Локомотив” бугун “Бухоро”ни қабул қилади

Ўзбекистон чемпиони ва кубоги соҳиби – Тошкентнинг “Локомотив” жамоаси жорий йилги кубок баҳслари чорак финалида “Бухоро” клуби қаршилгини енгиб ўтишга уриниб кўради.

Бугун мазкур икки жамоа чорак финал жавоб ўйинини ўтказади. Ёдингизда бўлса, Бухорода кечган беллашувда кучлар тенг келган эди – 0:0. Бугун эса ярим финал йўлланмаси қайси жамоага насиб этиши ойдинлашади.

Ўзбекистон кубоги. 1/4 финал.
 «ЛОКОМОТИВ» (ТОШКЕНТ) – «БУХОРО» (БУХОРО)
Ҳакамлар:
З. Қодиров (Навоий), А. Цапенко (Тошкент вил.), Р. Шояхметов (Тошкент), А. Эргашев (Тошкент)
Назоратчи: А. Арутюнов (Тошкент).
Дастлабки учрашув: 0:0.
 
Мазкур қарама-қаршиликни навоийлик ҳакам – Зокир Қодиров бошчилигидаги реферилар гуруҳи бошқариб боради.

ФАКТ: Тажрибали рефери – Зокир Қодиров жорий йилги мавсум ҳисобидан иккинчи бор “Локомотив” жамоаси ўйинини бошқармоқда. Навоийлик ҳакам бундан аввал “Локомотив”нинг Олий Лига 14-тур ўйинлар и доирасидаги “Динамо”га қарши кечган ўйинида ҳам ишлаган эди. Ўшанда жамоамиз самарқандликлар устидан 2:0 ҳисобида зафар қучганди.



ЎЗАРО ҚАРАМА-ҚАРШИЛИКЛАР ТАРИХИ:

Қайд этиш жоизки, “Локомотив” ҳамда “Бухоро” жамоалари шу пайтга қадар Ўзбекистон кубоги ўйинлари доирасида фақат бир марта ўзаро тўқнаш келишган. 2012 йилги кубок беллашувлари чорак финалида йўллари кесишган жамоаларнинг илк қарама-қаршилигида “Бухоро” 2:0 ҳисобида ғолиб чиққан. Жавоб ўйинида эса “Локомотив” 2:0 ҳисобида ғалабага эришган. Пенальтилар баҳсида эса омад бухороликларга кулиб боққан – 7-6.

“ЛОКОМОТИВ” КУБОК ЎЙИНЛАРИДА ҚАНДАЙ ОДИМЛАМОҚДА?


Ўзбекистон кубогининг амалдаги соҳиби – “Локомотив” ушбу мавсумда кубок ўйинларидаги иштирокини нимчорак финалдан бошлади. “Темирйўлчилар” 1/8 финалда Навоийнинг “Қизилқум” жамоаси қаршилигини енгиб ўтишди.

Дастлаб Тошкентда ўтган баҳсда “Локо” футболчилари рақиб дарвозасини оз эмас, кўп эмас – жавобсиз нақд 5 марта ишғол этишди. Ўша беллашувда Марат Бикмаев бир марта, Жалолиддин Машарипов ҳамда Диёр Туропов икки мартадан ўз номини таблога ёздириб қўйишганди.



Жавоб ўйинида эса 1:1 ҳисоби қайд этилди. Тошкентликлар сафида Мурод Бобожонов муваффақият қозонди ва чиройли гол муаллифига айланди.

1/4 финалда эса жамоамиз “Бухоро” жамоасига рўбарў келди. Бухорода ўтган илк учрашув кескин курашларга бой тарзда кўриниш олди. Ҳар икки жамоа футболчилари ҳам бир қатор хавфли вазиятлар яратишди. Бироқ гол уриш ҳеч бир жамоага насиб этмади ва ярим финал йўлланмаси тақдири бугунги беллашувга қолди.

БИЛИШ ШАРТ
: “Локомотив” – “Бухоро” жуфтлигида ғалаба қозонадиган жамоа кубок ярим финалида “Қўқон-1912” – “Насаф” жуфтлиги ғолибига қарши баҳс олиб боради. Мазкур икки жамоа ҳам бугун ўзаро ўйин ўтказишади.

Рейтинг: +11   

Фикрлар

championat.asia
< сўнгги янгиликларни кўриш
Яндекс.Метрика