"Лидс" 25 млн евролик трансферни амалга оширди
08 июл 2022 17:38
Янгиликлар

"Лидс" 25 млн евролик трансферни амалга оширди

"Лидс" Луис Синистеррани "Фейеноорд"дан харид қилди.

Англия клуби 23 ёшли Колумбия терма жамоаси футболчиси билан 2027 йилнинг июнига қадар шартнома имзолади. Фабрицио Романонинг хабарига кўра, "Лидс"га чап қанот вингерининг трансфери 25 млн евро ва бонусларга тушган.

Синистерра ўтган мавсум "Фейеноорд" таркибида Конференциялар Лигаси финалида ўйнади. Унинг жамоаси "Рома"га мағлуб бўлди. Луис эса турнирнинг энг яхши ёш ўйинчиси деб топилди, шунингдек Конференциялар Лигаси рамзий жамоасига киритилди.

Колумбиялик ўтган мавсум жамоа таркибида барча мусобақаларда 49та ўйинда майдонга тушиб, 23та гол ва 12та ассист қайд этди.

Ҳавола :

Манба : leedsunited.com

Янгиликларни Телеграмда ўқинг!

Рейтинг: