Лаутаро Мартинес "Барселона"га қарши жароҳат билан ўйнаганини айтиб берди

"Икки кунни уйда кўз ёшларимни тўхтата олмай ўтказдим, жуда қийин бўлди. Оёғим шунчалик қаттиқ оғрирдики, уни кўтара олмасдим. Шифокорлар ва физиотерапевтларнинг улкан меҳнати ва қўшимча ишлаши туфайли, ҳолатдан келиб чиқиб, 100 фоиз бўлмаса-да, имкон қадар яхши ҳолатда майдонга чиқишга муваффақ бўлдим.

87-дақиқада "Барселона" ҳисобда олдинга ўтиб олганида, бунга ишонишим қийин эди. Ахир ҳамма нарса бизнинг фойда учун кетаётгандек эди, иккала ўйинда ҳам икки голлик устунлик билан етакчи эдик. Аммо жамоамиз яна бир бор куч ва қатъиятини намоён этди. Улар ҳисобни тенглаштирдилар ва ўйинни қўшимча вақтга олиб ўтдилар. Фидокорлик ва жамоавий саъй-ҳаракатларимиз туфайли финалга чиқишга эришдик. Мен бу жамоа ва клуб билан жуда фахрланаман. Умид қиламанки, якунда тортни устини мева билан безай  оламиз," – дея Мартинеснинг сўзларини келтиради УЕФА расмий сайти.