Лапорта "Барселона" қачон асосий стадионига қайтишини тушунтирди

"Айни дамда келаси мавсумдан бошлаб "Камп Ноу"да ўйнашни режалаштиряпмиз. Бу антиқа бўлади, чунки қурилиш давом этаётганда биз ўйнаймиз. Декабрь ойига қадар стадион 90 фоизга тайёр бўлиши керак, ишлар 2026 йилнинг ёзида якунланиши кўзда тутилган. Том ёпишда бироз кечикиш бўлиши мумкин. Агар ҳаммаси режадагидек кетса, "Вильярреал"га қарши ўйин "Олимпия" стадионидаги охирги ўйинимиздир", – деди каталонияликлар клуби президенти.

"Барселона" "Вильярреал" билан ўйинда 2:3 ҳисобида мағлуб бўлди.

Аввалроқ "Барселона" келаси мавсумда "Камп Ноу"га қайтишни режалаштираётгани маълум қилинган эди.