O'yin 2:2 hisobida yakunlandi. Dubl qayd etgan Lionel Messi gollarning birini penaltidan urdi. Shunday qilib u LaLigada penaltidan urgan gollari sonini 50taga etkazib oldi.
Argentinalik forvard bu ko'rsatkich bo'yicha Ispaniya chempionatida uchinchi o'rinni egallab turibdi. Ro'yxatning ikkinchi pog'onasi "Real" va "Atletiko" sobiq futbolchisi Ugo Sanchesga tegishli. U 56 marta penaltini aniq amalga oshirgan. LaLigada penaltidan gol urish bo'yicha peshqadam Krishtianu Ronaldu hisoblanadi. Portugaliyalik forvard "Qirollik klubi" safida 61ta penaltini golga aylantirgan.
