Ла Лига чемпиони "Манчестер Юнайтед"га ўтмоқчи
17 июл 2021 13:00
Янгиликлар

Ла Лига чемпиони "Манчестер Юнайтед"га ўтмоқчи

"Атлетико" вакили Киран Триппьер Англияга қайтиб, "Манчестер Юнайтед" шарафини ҳимоя қилмоқчи.

Англиялик футболчи МЮга кўчиб ўтмоқчи ва ушбу трансфер ойнаси ёпилгунга қадар ушбу келишув амалга ошади, деб ишонмоқда. Бу ҳақида ўз манбааларига таяниб, "Manchester Evening News" нашри хабар берган.

Европа чемпионатидан аввал Триппьер "Юнайтед" билан трансфер борасида келишиб олган. Кираннинг "Атлетико" билан шартнома муддати 2023 йилгача мўлжалланган ва Мадрид клуби эса пул ишлаб олиш мақсадида уни қўйиб юбориши мумкин.

"Манчестер Юнайтед" ўз навбатида Триппьер хизматларига жиддий қизиқиб қолган. Таъкидланишича, Киран захира ўриндиғида ўтиришга рози эмас ва Аарон Уан-Биссака билан асосий таркиб учун бўладиган курашда устун келиш ниятида.

"Ман Юнайтед" мураббийлар штаби Уан-Биссаканинг ўтган мавсум ҳужумларга қўшилишдаги ҳаракатларидан кўнгли тўлмаган. Триппьер – бу борада фаолроқ ҳаракат қилади.

Ўтган мавсумда 30 ёшли футболчи Ла Лига доирасида 28 та ўйинда майдонга тушди ва 6 бор голли узатмани амалга оширди.