Кутиб олинг, иккинчи тур келяпти...

20 март, жума

"Бухоро" (Бухоро) - "Динамо" (Самарқанд)

Ҳакамлар: А. Асимов (Тошкент), Т. Галеев (Тошкент), А. Пўлатов (Тошкент), Н. Болтаев (Навоий)

Назоратчи: А. Арутюнов (Тошкент).

Имкониятлар: 55/45

Бу икки шаҳарнинг жаҳон тарихида тутган ўрни катта. Буюк шаҳарлар тўқнашувидаги икки жамоа ҳам биринчи турда мағлубиятга учрадилар. "Динамо" ўз майдонида, "Бухоро" эса сафарда. Биринчи тур ўйинларидан келиб чиқсак, ўйиндаги устунлик "Бухоро"да бўлишини башорат қилиш қийин эмас. Аслини олганда, иккала жамоанинг ҳам ўйинида ўхшашлик мавжуд. Бироқ майдон эгалигини инобатга олсак, Мочиновда ғалаба қозониш учун яхши имконият бор. 

"Навбаҳор" (Наманган) - "Металлург" (Бекобод)

Ҳакамлар: Т. Тўхтасинов (Андижон), А. Маражабов (Андижон), З. Абдураҳмонов (Андижон), Р. Толибжонов (Фарғона)

Назоратчи: И. Мустафин (Тошкент).

Имкониятлар: 50/50

Бу ўйинда "Навбаҳор" ўзининг бош мураббийи билан иштирок этади. Вьетнамдан қайтиб келган Бахтиёр Ашурматов "Навбаҳор"ни иккинчи турга тайёрлади ва бунинг мевасини эртага кўришимиз мумкин. Лекин рақиб оддий жамоа эмас, "Локомотив"ни икки очкодан маҳрум қилган "Металлург". Қизиғи шундаки, биринчи турда икки жамоа бош мураббийлари турли сабабларга кўра қатнаша олмаган эдилар. "Металлург" ҳимояда ўйнашни биладиган жамоа ҳисобланади. "Навбаҳор"нинг кучини эса эртага кўрамиз. Шундай экан, бу икки клубнинг ғалабага бўлган имконияти тенг.

"Машъал" (Муборак) - "Андижон" (Андижон)

Ҳакамлар: Р. Эрматов (Тошкент), А. Расулов (Тошкент), Ж. Саидов (Тошкент), А. Рубаков (Тошкент)

Назоратчи: А. Ҳотамов (Тошкент).

Имкониятлар: 60/40

Афсуски, "Андижон"да муаммолар ҳамон мавжуд. Жамоа Муборакдаги ўйинга, қарз кўтариб йўл олгани ҳақида маҳаллий мухлислар хабар қилди. Демак, жамоадаги аҳвол танг. Бу эса икки кундан бери ўйинга жиддий тайёргарлик кўраётган, куни кеча Тошкентдан бир нечта мухбирни Муборакка таклиф қилган "Машъал" учун айни муддао. Таркиб жиҳатдан ҳам "Машаъл" рақибига нисбатан кучли. Энг муҳими, "Андижон" матбуот котиби ҳам Муборакка йўл олган.