Кубок финалини декабрда ўтказиш шартми?
08 окт 2017 14:58
Янгиликлар
![](https://championat.asia/upload/storage/281773_original.jpg)
![](/upload/storage/281773_220.jpg)
Кубок финалини декабрда ўтказиш шартми?
Ярим финалда "Динамо" ва "Насаф"ни ортда қолдирган "Бунёдкор" ва "Локомотив" клублари мамлакат кубоги финалига йўл олишди.
Кўпчиликда финал ўйини қачон ва қайси стадионда бўлиб ўтади деган савол туғилмоқда.
ПФЛ сўнгги йилларда финал учрашувларини вилоятларда ўтказишни одат тусига киритиб бормоқда. Ҳозирча бу йилги финал қайси стадионда ўтиши маълум эмас.
ПФЛ беган тақвимга кўра Ўзбекистон кубоги финали 2 декабрь, шанба куни бўлиб ўтади. Ҳа қиш фаслининг дастлабки кунларида мамлакат кубоги учун баҳс бўлиб ўтиши белгилаб қўйилган.
Шу ўринда ПФЛга ушбу ўйинни ноябрь ойида ўтказишни таклиф қилган бўлардик. 6-14 ноябрь кунлари ФИФА кунлари муносабати билан олий лигамизда икки ҳафталик танаффус юзага келади. 10-11 ноябрь ПФЛ тақвимига захира кунлари сифатида киритилган. Бизнингча айнан шу кунларда Ўзбекистон кубоги финали ўтказилса бўлаверади.
"Локомотив" ва "Бунёдкор" 3 ноябрь куни олий лиганинг 27-туридан ўрин олган ўйинларини ўтказишади. Ундан кейинги тур эса 16-17 ноябрга белгиланган. Шундай экан юқоридаги таклифимиз (10-11 ноябрь) иккала клубга ҳеч қандай оғирлик қилмаслиги аниқ. Ҳеч ким тиғиз графикдан нолимайди ҳам.
Биз таклиф қилаётган санага ҳали 1 ойдан сал кўпроқ вақт борлигини эслатиб ўтмоқчимиз.
Нарзулла Сайдуллаев
Ўхшаш янгиликлар
![AMP Logo](https://championat.asia/image/logo-amp.png)
Фикрлар