Кубо – Ла Лигада 10 та гол урган иккинчи япониялик

Ўйиндаги илк голни ўз ҳисобига меҳмонлар аъзоси Такефуса Кубо ёздириб қўйди. Бу 21 ёшли футболчи учун Ла Лигадаги 10-гол бўлди ва у мазкур натижага эришган иккинчи японияликка айланди. Аввалроқ бунга Такаши Инуи муваффақ бўлганди ва у Примерадаги 166 баҳсда 16 та тўп киритишга эришган.

Кубо эса Испания Олий дивизионида 112 учрашувда қатнашишга улгурди. У “Вильярреал”, “Хетафе”, “Мальорка” шарафини ҳимоя қилган, аммо “Реал”да бирорта ҳам расмий учрашувда майдонга тушмаганди.