Кейинги йил олий лига клубларига Тошкентда тиббий кўрикдан ўтиш шарт мажбурияти қўйилмайди
30 ноя 2017 12:46
Янгиликлар

Кейинги йил олий лига клубларига Тошкентда тиббий кўрикдан ўтиш шарт мажбурияти қўйилмайди

Хабарингиз бор, ҳар йили олий лига клублари мавсум аввалида ўз футболчиларини тиббий кўрикдан ўтказади. Шу пайтгача ҳатто вилоят жамоаларининг ҳам Тошкентга келиб тиббий кўрикдан ўтиши шарт қилиб қўйилганди.

Клублар бунгача Миллий олимпия қўмитаси биносида жойлашган Республика спорт тиббиёти илмий-амалий марказида мажбуран тиббий кўрикдан ўтиб келишаётганди. Лекин бизга маълум бўлишича, кейинги йилдан олий лига клублари олдига бундай мажбурият қўйилмайди.

Эндиликда вилоят жамоалари тиббий кўрикдан ўтиш учун пойтахтга келиб оворо бўлиб юришлари шарт эмас. Улар вилоят марказларидаги тегишли бўлинмаларда тиббий кўрикдан ўтиш имконига эга бўлишади.

Аммо футболчининг қўлида тиббий маълумотномаси бор дейиш унинг олий лига ўйинларида майдонга тушишига рухсат берилди деган маънони англатмайди. Ҳар бир футболчи дастлаб ПФЛ мутахассислари кўригида бўлиб, махсус тестлардан ўтгандан сўнггина майдонга тушиш рухсатини олади.

Ҳавола :

Манба : championat.asia

Янгиликларни Телеграмда ўқинг!

Рейтинг: +15