Келди-кетдилар мавсуми бошланди. "Металлург" таркибда қандай ўзгаришларга қўл урди?
06 июл 2021 17:13
Янгиликлар
![](https://championat.asia/upload/storage/647415_original.jpg)
![](/upload/storage/647415_220.jpg)
Келди-кетдилар мавсуми бошланди. "Металлург" таркибда қандай ўзгаришларга қўл урди?
5 июль санасидан эътиборан эса Ўзбекистон профессионал футбол лигаси ёзги трансфер ойнасини очди. Мазкур жараён шу ойнинг сўнгги кунигача давом этади.
Маълумингизким, Бекободнинг “Металлург” жамоаси биринчи давра мобайнида бир қатор ўйинчилари билан хайрлашганди: Никита Павленко, Евгений Макеев, Евгений Чумак, Андрей Шипилов. Энди шу футболчиларнинг ўрнини тўлдириш фурсати келди ва “Металлург” ёзги трансфер ойнасининг биринчи куниёқ янги ўйинчиларни ўз сафига қўшиб олди. Булар Иброҳим Ибрагимов ҳамда Бобур Давлатовлардир. Шунингдек, икки нафар ўйинчимиз ижарадан ортга қайтади. Биринчи даврани “Андижон”да ўтказган Муҳаммад Исаев ва “Нефтчи”да фаолият юритган Худойшукур Сатторовлар ҳам қадрдон жамоасига қайтмоқда.
Иброҳим Ибрагимов
Туғилган санаси: 2001 йил 12 январь.
Амплуаси – ярим ҳимоячи.
Профессионал фаолиятини “Бунёдкор”да бошлаган (2020 йил).
Икки мавсум давомида Иброҳим Иброҳимов “қалдирғочлар” сафида 6 та учрашувда асосий таркибда майдонга тушган: 2020 мавсумда 3 та ўйин – 95 дақиқа, 2021 йилда 3 та ўйин – 268 дақиқа. U-21 жамоаси таркибида эса 6 та учрашувда майдонга чиққан – 457 дақиқа ўйнаган, 1 та гол урган, 1 та голлик узатмани амалга оширган.
Бобур Давлатов
Туғилган санаси: 1996 йил 1 март, Янгиер шаҳри.
Амплуаси – ярим ҳимоячи.
Ўзбекистон ёшлар терма жамоасида 7 та учрашувда майдонга чиққан.
Профессионал фаолиятини “Машъал”да бошлаган (2012 йил).
Сўнгги жамоаси – “Нефтехимик” (Россия).
Ўйнаган жамоалари: “Машъал” (2012 йил – 5 учрашув – 0 гол), “Рубин” (2013 – 2014 йиллар – ёшлар таркибида ўйнаган), “Жетису” (2015 – 9 – 0), “Актобе” (2016 – 13 – 1), “Нефтехимик” (2017 – 5 – 0), “Локомотив” (2017 – 1 – 0), “Насаф” (2018-2019 – 31 – 5), “Нефтехимик” (2019-2021 – 15 – 0).
Ўхшаш янгиликлар
![AMP Logo](https://championat.asia/image/logo-amp.png)
Фикрлар