Кавани МЮ 7-рақамни ундан тортиб олиб, Роналдуга берганидан жаҳли чиққан

Манбага кўра, Эдинсон Кавани мавсум бошланишидан олдин “Манчестер Юнайтед” унга тегишли 7-рақамни Криштиану Роналдуга берилаётганини билгач, жаҳли чиққан.

Португалиялик ушбу рақам остида “Реал” ва “Ювентус”да ўйнаган ҳамда “қизил иблислар”даги аввалги фаолиятида ҳам “7”да ҳаракат қилганди.

Кавани 2020 йил кузида ПСЖдан МЮ сафига келиб қўшилган. Илк мавсумида у 39 баҳсда 17 та гол урди. 2021/22 йилги мавсум эса 20 ўйинда атиги 2 бор ўз номини таблога ёздирди. 35 ёшли уругвайлик ёзда жамоадан кетиши кутилмоқда.